Ostadar.org / Urretxu-Zumarragako Ostadar Mendi Taldea
Urretxu-Zumarragako Ostadar Mendi Taldea 18+ urtez ibilaldiak euskaraz dokumentatuz
laguntzailea Alex Kirolak
 
eu | es   
 [ Hemen zaude: 
Ostadar Mendi Taldea > Sarrera > Historia
 ]
   
Beitia argazkia

Datorren 2017ko maiatzaren 21ean, Urretxu-Zumarragan, Iñaki Beitiaren omenezko 21. Mendi-martxa antolatuko dugu.

Behar duzun informazio guztia http://www.beitia.org webgunean aurkituko duzu.

OSTADAR Mendi Taldearen 4. Haur argazki rallyaren argazkiak
B

Bistara itzazu datorren abenduaren 5etik aurrera (21:00etatik aurrera) webgune honetan OSTADAR Mendi Taldeak antolatutako Mendi eta Naturako Haur Rallyaren IV. Edizioaren argazki irabazleak baita argazkirik onenak ere!


Elurrolde bat AEBtan

Elurrolde baten aurrean jakin beharreko aholkuak ikas itzazu.

Goierriko Bira

Hona hemen, Goierriko Bira egin eta gero, talde eta banakoen eskura uzten dugun informazioa.

Behar duzun informazio guztia hemen aurkituko duzu.

Gaurko eguraldia
Ostadar Mendi Taldearen historia apur bat.

Irteerak dokumentatzen hasiko gara...
Luismi, Jonmikel, Carmen eta Inaxio Bianditz mendatean
Luismi, Jonmikel, Carmen eta Inaxio Bianditz mendatean
—© Jonmikel Intsausti—
Egin klik handiago ikusteko
(33,549 byte)

Aspaldian —1993 urteko udaberrian— hasi ginen mendi talde honetan garatzen ditugun irteerak dokumentatzen. Eta kontu honen guztiaren bultzatzaile nagusia garai hartan, mendi taldeko zuzendaritza gainean hartu zuen Luismi González zumarragarra izan zen.

Lehendabiziko dokumentatutako irteera 1993ko apirilaren 8an, Bizkaia eta Kantabria muga inguruan dauden Siones eta Villabasil herrien artean egin genuen. Dina3 neurrian aterakoa paper hark mapa baten fotokopia eta eskuz egindako profila baino ez zuen. Testurik gabeko informazioa, baina mendizalearentzat baliagarria irteera berriz egiten saiatzerakoan. Bigarren dokumentatutako irteera apirilean, Arabako Lagran eta Laguardia artean osatutako irteeran aurkeztu genuen: eta aurrekoak egindako eredu berean. Emandako informazioa gehitu eta dokumentazioa hobetu zitekeelakoan, antolatzen ziren irteeratan testua gehitzea erabaki izan genuen. Idazmakina zaharra hartu eta horrela dokumentatu ziren, —gazteleraz soilik hasiera batean— ondorengo hilabetetako irteerak: Le Billare, Arkamu Mendia, Espingo, Gibijo, Andia Mendia, Kodes... Jada ibilaldia prestatzea, ibilbidea zapaltzea eta ohar pare bat baino gehiagoko lana zen: oharrak jaso, testua osatu, idatzi... mapak prestatu, informazioa bilatu, bildu, aztertu...

1994ko apirilean Kodes-eko ibilaldian, euskaraz zein gazteleraz ateratzen hasi ginen mendizaleari eskainitako informazio puska. Eta informazioa ordenadorez jasotzen hasi ginen ale horretan. Eta irteera bat amaitu ondoren besteari ekin genion, eta berriz gorde diskete batean... eta beste irteera bat, eta beste bat ondoren...

1996. urtearen inguruan, informazio hori guztia erabilpenik eman gabe diskete batzuetan gordeta genuela ohartzen ginen. Eta zergatik ez informazio hori guztia mendizaleak erabil dezan Amaraunean jarri? Web orriak eskaintzen dituen doako zerbitzuak erabiliz, 1997an gunea sortzen hasi ginen eta lan horren ondorioz egun, http://www.ostadar.org URLan atzi daitekeen informazioa sortu dugu. Mendizaleari zuzendutako informazioa duelarik, web gune elebidun (euskaraz zein gaztelaniaz) honetan eskaintzen ditugun zerbitzu garrantzitsuenak honakook dira:

  • Euskal Herriko geografian zehar zein kanpokoan (Pirinioak, Europako Mendiak, Alpeak...) zabaltzen diren 100 bat baino gehiago irteera desberdinen deskribapenak, 20 bat kordal-mapa eta 300 bat argazkiz horniturikoak. Mapen erreferentziak eta irteerei dagokien bibliografia ere eskaintzen da. Era berean, GPS (Global Positioning System) waypoint-ak dokumentatzen eta eskaintzen hasiak gara. Aipagarri, Uren Banalerroaren Ibilbide Handia, zein IV Hiriburuen eta V Hiriburuen Ibilbide Handia, etapaz etapazko ibilbide luzeak, azkeneko biak Xebe Peña tolosarrak 1953 urtean eginiko IV Katedralen Ibilbide Handian oinarriturikoak eta Patxi Arriaga elgoibartarrak garatutakoak.

  • Euskal Herriko zein kanpoko mendi-aterbeen telefono edo/eta web guneen zerrenda.

  • Euskal Mendizaletasunari loturiko esteka interesgarri (eguraldia, aterbeak...) zerrenda.

Eta oraindik egiteko lan handia dugu.

Anboto gainean: Goerrirekin batera antolatuako Bizkaiko Birako irteeran
Anboto gainean: Goerrirekin batera antolatuako Bizkaiko Birako irteeran
Egin klik handiago ikusteko
(30,731 byte)